პროექტი - "დიფუზია"

1)      პროექტის სახელწოდება: დიფუზია.

2)      პროექტის მთავარი იდეა(თემა)1–2წინადადებით:  მოსწავლეებმა შეძლონ დამოუკიდებლად მოიპოვონ ინფორმაცია დიფუზიის  მოვლენის შესახებ, ახსნან ეს მოვლენა და მისი მნიშვნელობა ბუნებაში. ჩაატარონ მარტივი ცდები დიფუზიის მიმდინარეობაზე.

3)      პროექტის აქტუალობა:  მოსწავლეებს შეუძლიათ დამოუკიდებლად ჩაატარონ ცდები დიფუზიის მოვლენასთან დაკავშირებით: აირებში, სითხეებსა და მყარ სხეულებში, რა სარგებლობის ან ზიანის მოტანა შეუძლია ამ მოვლენას.

4)      პროექტის მიზნები:  მოსწავლეთა მიერ ინფორმაციის მოძიების,აღწერის, პრეზენტაციის უნარ–ჩვევების განვითარება.  სხვადასხვა სახის ცდების ჩატარება სითხეებში, აირებსა და მყარ სხეულებში, აგრეთვე ცოდნა იმისა თუ რა როლს თამაშობს ეს მოვლენა ცოცხალ ორგანიზმებსა და პრაქტიკაში.

5)      მონაწილეთა ასაკი:   მე–8 კლასი, 14წლის.

6)      ვადები/ხანგრძლივობა: 1 კვირა.

7)      მოსალოდნელი შედეგები/ პროდუქტები, რაც შეიძლება შეიქმნას:  მოსწავლეებს ეცოდინებათ დიფუზიის მოვლენის ახსნა სამივე აგრეგატულ მდგომარეობაში ,შეეძლებათ ჩაატარონ ცდები დიფუზიის მოვლენის შესასწავლად,აანალიზებენ და აკეთებენ შესაბამის დასკვნებს. მსჯელობენ და აკვირდებიან დიფუზიის როლს ბუნებასა და ყოფა–ცხოვრებაში,მოჰყავთ მაგალითები.

8)      პროექტისათვის საჭირო ძირითადი რესურსები: კომპიუტერი, ინტერნეტი, სახელმძღვანელო, მეცნიერების ენციკლობედია, ექსპერიმენტისთვის საჭირო მასალები.

9)      პროექტის მსვლელობა (ძირითადი აქტივობები):

 მასწავლებელი აცნობს მოსწავლეებს პროექტის თემას და მიზნებს,ყოფს კლასს სამუშაო ჯგუფებად. თითოეულ ჯგუფს ეძლევა დავალება:

I ჯგუფი  ა) ინტერნეტიდან მოიძიოს ინფორმაცია დიფუზიის მოვლენის შესახებ.

ბ) დიფუზიის მოვლენა სითხეში, აირში და მყარ სხეულში. გ) დიფუზიის მოვლენა ცოცხალ ორგანიზმებში.   დ) დიფუზია (ბროუნის მოძრაობა) სასარგებლო და საზიანო.

II ჯგუფი  წარმოადგენს ფოტო მასალას დიფუზიის მიმდინარეობაზე, ადგენს სქემებს,

                   დიაგრამებს.      

III ჯგუფი  განსაზღვრავს   ექსპერიმენტის ჩატარების დროს დიფუზიის მიმდინარეობის სისწრაფეს, მათ რეგულირებას .        

ინფორმაციის მოძიების შემდეგ ხდება მოპოვებული მასალის გაფორმება სხვადასხვა სურათებითა და ილუსტრაციებით.

10)  საგნებთან (საგნობრივ ჯგუფებთან) ეროვნულ სასწავლო გეგმასთან კავშირი:

კავშირი  ბიოლოგიასთან, ქიმიასთან.

11)  პროექტის განხორციელებისა და შედეგების  შეფაასება–პრეზენტაცია.

12)  პროექტის ხელმძღვანელი: გია მიგინეიშვილი.

13)  ხელმძღვანელის ელ/ ფოსტა: g.migineishvili@gmail.com

14)  პროექტის ვებ.გვერდი/ბლოგი:gmigineishvili.blogspot.com